NewsGuard во анализата што ја објавија наведува дека алгоритмот на TikTok, наводно, намерно ги турка корисниците кон насилни содржини и групата Вагнер
На популарната социјална мрежа TikTok се појавија голем број видеа кои ја слават групата Вагнер, а овие кратки клипови имаат повеќе од милијарда прегледи.
Американски NewsGuard, кој ги анализира дезинформациите на социјалните мрежи, објави дека на некои од овие видеа е прикажано убиство на поранешен руски платеник.
Во меѓувреме, раководството на TikTok најави дека ќе ги отстрани сите содржини што не се во согласност со нивната политика.
NewsGuard соопшти дека идентификувале 160 кратки видеа на платформата кои „го величат насилството на групата Вагнер“.
Оваа група, која регрутира платеници да се борат на страната на Русија во Украина, а нивниот водач е близок соработник на рускиот претседател Владимир Путин, Евгениј Пригожин.
14 видеа го прикажуваат експлицитното убиство на рускиот платеник Евгениј Нужин.
Аналитичарите велат дека едно видео од убиството имало најмалку 900.000 прегледи, но во меѓувреме е отстрането.
Нужин служел затворска казна за убиство, но подоцна бил регрутиран од Вагнер да се бори во Украина, пишува Би-Би-Си.
Во меѓувреме бил заробен од украинската војска, а потоа на новинарите им раскажал како стигнал на фронтот.
Подоцна беше разменет од Украина во замена за нивните војници, а неколку дена подоцна се појави видео на кое се гледа неговото убиство.
NewsGuard во анализата што ја објавија наврдуваат дека алгоритмот на TikTok, наводно, намерно ги турка корисниците кон насилни содржини и кон групата Вагнер.
Кога аналитичарот го бараше терминот „Вагнер“, лентата за пребарување на TikTok предложи пребарување за „Погубување Вагнер“ и „Вагнеровиот чекан“. Истата потрага на руски резултираше со предлозите „Вагнеровиот ПМЦ“, „Вагнеровиот чекан“ и „Вагнеровиот оркестар“, бидејќи оваа група ги нарекува своите членови како „музичари“.
NewsGuard, исто така, откри дека на TikTok може да се најдат видеа кои покажуваат уште едно Вагнерско убиство во кое е вклучен воен дезертер од Сирија, што се случи во 2017 година.
Групата за онлајн анализа соопшти дека идентификувала и други музички видеа на платформата кои се залагаат за насилство врз Украинците, вклучително и повици да се убијат Украинци кои тврдеа дека се нацисти.
Одговарајќи на извештајот, портпаролот на TikTok рече дека на нивната мрежа нема место за клипови кои промовираат насилство.
Многу од видеата идентификувани од NewsGuard веќе не се достапни на оваа платформа.
