Денеска е 1 април, Светскиот ден на шегата, кога многу луѓе се обидуваат да направат разни трикови само заради смеа и забава, иако понекогаш овие навидум безопасни шеги имаат и несакани ефекти.
Во Македонија 1 април го одбележуваат маскирани луѓе, особено дечиња, облечени во интересни и уникатни маски. Денес секој може за момент да биде некој друг и со шега да ги насмее сите околу него.
Денеска е 1 април, Светскиот ден на шегата, кога многу луѓе се обидуваат да направат разни трикови само заради смеа и забава, иако понекогаш овие навидум безопасни шеги имаат и несакани ефекти.
Се слави со векови, но неговото потекло е нејасно. Има различни толкувања, а едно од нив е дека овој вид „национален празник“ се појавил на крајот на средниот век во Европа како Ден на сите будали, што било национална радост.
Англичаните мислат дека Денот на шегите е земен од исток и 1 април го нарекуваат „Ден на сите будали“. Финците тој ден го поврзуваат со пролетното учење на децата за економските работи, а слично е и во Швајцарија. Има мислења дека корените на тој „празник“ датираат од антички Рим, познат по тоа што мештаните знаеле да се забавуваат, измислувајќи разни шеги.
Многумина мислат дека овој обичај се појавил во 16 век во Франција, околу 1564 година, а за измамениот велеле дека ја добил „априлската риба“. Во Ајндховен, Холандија, постои традиција на шеги на 1 април, а весниците се тркаат за објавување „ексклузивни“ вести, како што се доаѓањето на некои светски државници во тој град, болестите и експериментите во атомистиката.
Германците 1 април го сметаат за ден кога се ранливи, а своите лоши чувства помалку ги поврзуваат со правење лоши шеги, а повеќе со традицијата дека на 1 април е роден апостол Јуда, предавникот на Христос.
Обичајот да се прават првоаприлски шеги не го заобиколи ниту Балканот, па често во медиумите можеше да се најде нешто што ќе ги „изненади“ читателите.
Музејот на шеги во Сан Диего објави листа на десет најдобри првоаприлски шеги во англосаксонскиот печат, а една од најсмешните има врска со политиката. Таа шега се однесува на американското државно радио кое ја објави новата кандидатура на Ричард Никсон за претседателските избори во 1992 година, под мотото: „Не сум направил ништо лошо и нема да го повторам тоа“!
Според традицијата во многу земји, луѓето можат да се шегуваат на другите до пладне на 1 април, но ако го направат тоа после тоа време, тогаш самите стануваат шеги.
Следејќи ја традицијата, многу медиумски куќи, компании, веб-страници и други шегобијци во светот рекламираа разни првоаприлски шеги – од смешни до апсурдни, па во последните години се појави вест дека Дејвид Бекам се приклучил на австралиската фудбалска репрезентација, дека францускиот претседател Никола Саркози поднесе неотповиклива оставка, како Канада да купила половина Хаваи.
