Во Авганистан како да не живеат во 21 век, Талибанците женските лица ги сметтаат како луѓе од втор ред. Одземени им се многу од основните човекови права.
Извикувајќи „отворени училишта“, десетици девојчиња и жени протестираа денес во главниот град на Авганистан против одлуката на талибанците да ги затворат средните училишта само неколку часа по нивното повторно отворање. Илјадници девојчиња низ Авганистан започнаа на училиште во среда, на 23 март, датум што го одреди Министерството за образование да продолжат со наставата. Меѓутоа, само неколку часа подоцна, Министерството најави затворање на училиштата.
„Отворете ѓи училиштата! Правда, правда!“ Се слушна на протестите, а некои од учесниците на демонстрациите држеле учебници додека се собирале на градскиот плоштад во Кабул.
На транспарентите што ги носеа пишуваше „Образованието е наше основно право, а не политички план“. Митингот прекинал откако талибанските борци пристигнале на местото на настанот.
И покрај претходната одлука, талибанското Министерство за образование објави дека сите училишта ќе останат затворени за девојчиња по шесто одделение до дополнително известување.
Талибанците не дадоа јасна причина за нивната одлука, која уследи по состанокот на високи функционери одржан во вторникот во јужниот град Кандахар.
Авганистанските средношколки не одат на училиште повеќе од седум месеци.
„Талибанците не можат да ги угнетуваат жените во Авганистан“, рече една од демонстрантите Лајла Басим.
Откако Талибанците повторно дојдоа на власт на 15 август, многу жени беа отпуштени од државни работни места, им беше забрането да патуваат сами и им беше наредено да се покриваат и да носат традиционална облека.
Талибанците ветија поблага верзија на строгото исламистичко правило кое го означи нивното прво владеење во Авганистан од 1996 до 2001 година.
Но, сè уште има многу ограничувања, ако не на национално ниво, тогаш тие се спроведуваат локално по дискреција на регионалните власти.
Некои Авганистанци првично се спротивставија на Талибанците, одржувајќи мали протести и барајќи право на образование и вработување.
Но, талибанците брзо ги собраа водачите на протестите, негирајќи дека се затворени.
Повеќето молчат по нивното ослободување, а протестот денес беше првиот што го одржаа жените во последните неколку недели.
