Кога ожалостеното семејство видело непозната жена пред одарот на нивната почината роднина во Франција, учтиво и дозволиле да и оддаде почит над отворениот ковчег.
Жена на околу шеесет години им се претставила на членовите на семејството како пријателка на починатиот. Меѓутоа, подоцна, кога членовите на семејството повторно дошле до одарот, сфатиле дека покојната останала без накит – и исчезнале ѓерданот, прстенот и обетките, пишуваат француските медиуми.
Семејството веднаш ја алармирало полицијата која тргнала во потрага по сомнителен пријател. Откриле дека се работи за жена која живее недалеку од погребалното претпријатие во градот Ливен. Ја уапсиле и во нејзиниот дом пронајден е украдениот накит.
Но, тоа не е крајот на приказната. Полицијата набрзо ја поврза со кражбата на паричникот од труп изложен на одар во истата погребална куќа претходно истиот ден, па се сомнева дека оваа постара Французинка имала честа практика на грабежи на погреби.
При претрес во домот на осомничениот, полицијата пронашла куп објавени некролози. Тие содржеле и шифри за пристап за членовите на семејството да влезат во одредени простории каде што се наоѓале ковчезите.
Полицијата ја информираше јавноста дека жената ќе мора да се појави на суд во текот на годината.
