Клиничкиот психолог д-р Румина Тејлор во пракса запознал многу луѓе кои излегле од врската скршени, но работеле против себе. Затоа направила листа на чекори кои секој треба да ги направи по страшното раскинување.
Како најважен совет, д-р Тејлор наведува дека не е пожелно да сте во контакт со бившиот, туку треба да се посветите на себе и на активностите кои ве исполнуваат.
Иако е вообичаена препорака да го избришете бившиот од социјалните мрежи, доктор Тејлор за Дејли Меил изјави дека тоа не е секогаш пожелно бидејќи ги потиснува сите убави спомени и сеќавања со личноста со која ја раскинуваме врската.
Ставете се себеси на прво место
Раскинувањето никогаш не е лесно или пријатно и веројатно и двајцата сте повредени. „Бидете љубезни кон себе, сепак, и направете ги вашите потреби приоритет“, вели д-р Тејлор. Навикнати сте да имате значајна личност во вашиот живот и губењето на тоа друго суштество, без разлика дали е под прифатливи услови или не, може да ве натера да се чувствувате осамено.
Ако се чувствувате така, советот е да се обратите кај пријателите и најблиските за разговор и поддршка, бидејќи „зборувањето за вашите мисли и чувства може да биде корисен метод за надминување на загубата на саканата личност“, додава психологот.
Не одржувајте контакт – тоа само го отежнува раскинувањето
Колку долго ќе останете поврзани со бившиот зависи од околностите под кои завршила врската.
„Ако врската заврши пријателски, можеби е природно да го контактирате бившиот. За многумина ова може да изгледа како начин да се ублажи анксиозноста или да се добијат одговори на прашањето зошто работите тргнале наопаку. Често мислиме дека ако сме во контакт тоа значи дека има надеж за помирување или дека тоа значи дека сè уште не е завршено. Краткорочно, контактот може да ја ублажи непријатноста и да донесе олеснување, но долгорочно го продолжува процесот на прекинување“, објаснува психологот.
Паузирајте со социјалните мрежи
Сите знаеме дека социјалните мрежи им овозможуваат на луѓето да го покажат животот што го сакаат, но сепак, се препорачува да се одморите од социјалните мрежи по раскинувањето.
„Наместо да бидете во контакт со другите преку социјалните мрежи, може да биде покорисно да поминувате време во општеството. Исто така, не брзајте да го промените статусот на врската или да ги отстраните споделените фотографии, бидејќи можно е сите да ве бомбардираат со прашања за тоа што се случува“, истакнува д-р Тејлор.
Потсетете се колку вредите
Некои луѓе не се чувствуваат добро кога се сами и само во пар им расте самодовербата.
„Поминете малку време идентификувајќи ги сите работи кои ве прават она што сте и запишете се на хартија. Можеби е корисно да ги замолите најблиските да споделат со вас како ве доживуваат и што се истакнуваат како ваши доблести“, вели д-р Тејлор.
Одете во теретана или прошетајте
Понекогаш е добро да се оттргнат мислите од тековните проблеми со одредена активност, а сите експерти тврдат дека вежбањето е одличен начин да ја „исчистите главата“. Добар тренинг, прошетка или лесно џогирање е одличен начин да направите нешто убаво за себе и да престанете да мислите на бившиот некое време.
Психологот советува и водени медитации, како и вежби за дишење кои уште повеќе ќе ве смират.
