Министерството за внатрешни работи во текот на вчерашниот ден (24.01.2022) продолжи со засилените акциски контроли во областа на сообраќајот.
На територија на град Скопје изречени се вкупно 161 меркa, меѓу кои за возење повеќе од дозволената брзина 22 санкции, 17 мерки за возење без возачка дозвола, 10 санкции за технички неисправни возила.
Изречени се осум мерки за возач почетник, 13 санкции за зборување на мобилен телефон, четири мерки за некористење на сигурносен појас, четири санкции за минување на затворен сигнал црвено светло.
Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта-соопштуваат од МВР.
