Полициски службеници од СВР Тетово денеска (21 јануари) од 16 часот и 15 минути до 18 часот и 50 минути со судски наредби, извршија претреси во домовите на Н.А.(24) и неговиот роднина Р.Л.(27) во тетовски Порој.
Притоа, во домот на Р.Л. пронајдени се три парчиња огнено оруже: 2 ловечки пушки, од кои една од американско производство и “хеклер”, како и над 170 куршуми од различен калибар, елек, футрола, ремен и 13 пакувања со остатоци од бела прашкаста материја. Р.Л. е лишен од слобода и задржан во Полициската станица Тетово за понатамошна постапка.
По целосно расчистување на случајот, во консултација и координација со Јавен обвинител, Р.Л. во текот на утрешниот ден, со соодветен поднесок ќе биде изведен пред судија на предходна постапка во Основниот суд Тетово – објавуваат од МВР.
