Нов скандал ја тресе Австралија по депортацијата на Новак Ѓоковиќ! Бројни патници кои пристигнале во таа земја со авион изјавиле дека обезбедувањето на аеродромот им ги одзело мобилните телефони и барало да им се дадат шифри за пристап!
„Гардијан“ наведува дека обезбедувањето на одземените телефони е однесено во службените простории каде што се чуваат околу половина час. Причината за оваа акција не е позната.
Патниците се жалат дека ова е сериозно кршење на човековите права, бидејќи шифрите за пристап може да се користат за пристап до е-пошта, банкарски сметки и други доверливи информации.
Интересно е што австралиските закони дозволуваат вакво вознемирување на патниците, без разлика дали се странци или локални жители, а сето тоа под оправдување „заштита на австралиската заедница“.
