Денеска 18.11.2021 во 01.05 часот на Банишко поле, во близина на граничната линија со Република Албанија, во атар на село Аме – дебарско, полициски службеници од Полициската станица за гранични проверки и граничен надзор „Блато“, Регионален центар Запад пронашле 10 поголеми најлонски пакувања со марихуана. Извршен бил увид и било констатирано дека во пакувањата има марихуана со вкупна тежина од околу 200 килограми со вредност од над 500.000 евра. За настанот бил известен Јавен обвинител и по целосно документирање на случајот ќе биде поднесена соодветна пријава, посочуваат од МВР.
