Повеќе од 120 пензионирани воени службеници ги доведоа во прашање легитимноста на претседателските избори во САД, како и менталните способности на претседателот Бајден.
Во писмото, во кое се повторуваат тврдењата на Доналд Трамп дека се украдени минатогодишните избори на кои изгуби, се наведува дека без фер и чесни избори што ја одразуваат волјата на граѓаните, Америка е изгубена.
Група пензионирани генерали и адмирали кои се нарекуваат „Офицери на знамето за Америка“ ги повикаа ФБИ и Врховниот суд да не ги игнорираат изборните нерегуларности како што тоа го сторија во 2020 година.
Потписниците на писмото ја доведоа во прашање и менталната способност на Бајден.
“Менталната и физичката состојба на врховниот командант не смее да се игнорира. Тој мора да биде во можност да носи брзи одлуки во кое било време, соодветно на националната безбедност”, наведоа потписниците на писмото.
Тие додадоа дека неодамнешните истраги на претседателот на Претставничкиот дом на американскиот конгрес за постапките за добивање нуклеарни клучеви „испраќаат загрижувачки сигнал до противниците и го доведуваат во прашање наредбата за команда“.
Еден од потписниците на писмото, генерал-мајор eо Орбакл, кој служеше во Виетнам, а подоцна командуваше со Командата за индустриски операции, за Политика изјави дека пензионираните офицери не се мешаат во политиката, но дека ситуацијата во земјата денес е таква што тие биле принудени да го сторат тоа.
