Најмалку 26 лица загинаа кога глисер со околу 30 лица се преврте откако удри во товарен брод натоварен со песок, во реката Падма во центарот на Бангладеш, изјави највисок владин службеник во таа област, Рахима Катун.
Глисерот, додека превезуваал патници, ги прекршил мерките поставени од владата, кои се на сила додека земјата е заклучена поради пандемијата на корона вирусот, посочи тој.
Нуркачите и локалното население извадиле 26 тела од водата и трагаат по уште неколку лица кои сè уште се водат како исчезнати, пренесува АП.
