Што би рекол нашиов народ „куче учено на касапница“
Осуденикот кој избегал од скопскиот затвор „Идризово“ набрзо е уапсен по грабежот на спортска обложувалница, соопшти полицијата во Скопје.
Според извештаите, денеска околу 9 часот и 30 минути на подрачјето на општина Гази Баба Скопје, полициски службеници од одделението за казнени дела при таа општина и екипа за оператива потраги на скопската полиција го привеле Д.К. од Куманово, веднаш откако со закана со пиштол одзел пари од вработената во спортската обложувалница.
Се додава дека утринава избегал од КПУ (КПЗ) „Идризово“, каде издржувал затворска казна, а при приведувањето полициските службеници испукале предупредувачки истрел.
По целосно документирање на случајот, против истиот ќе биде поднесена соодветна пријава и истиот ќе биде спроведен на издржување на казната во КПУ“, се вели во соопштението на скопската полиција.
