Случајните минувачи во Барселона мораа да ги тријат очите во петокот кога ги видоа поранешниот американски претседател Барак Обама, Мишел Обама и режисерот Стивен Спилберг како се придружуваат на мноштвото туристи за да ги посетат некои од најважните знаменитости во градот, секако придружувани од обезбедувањето.
Триото пристигна во Барселона на концертот на нивниот пријател Брус Спрингстин на Олимпискиот стадион, пренесува N1.
Семејството Обама, Спилберг и Спрингстин вечераа во ресторанот Амар во хотелот Палас во четвртокот.
Работникот во ресторанот Пол Перело објави фотографија на која позираат со келнери и готвачи со натпис: „Задоволствата што ви ги носи оваа работа!“
Во петокот, двојката Обама и Спилберг ги обиколи некои од најпознатите културни атракции. Маршрутата ги вклучуваше базиликата Саграда Фамилија, дизајнирана од Антонио Гауди и Музејот на Пикасо.
Шпанските медиуми објавија дека поранешниот претседател и првата дама се шетале рака под рака во центарот на Барселона опкружени со поголема група чувари.
Обама и Спрингстин се сретнаа за време на претседателската кампања на Обама во 2008 година.
Во 2021 година, тие одржаа подкаст што ја создаде книгата „Отпадници: Родени во САД“.
