Шпанската полиција ја откри најголемата лабораторија за производство на кокаин во Европа, пренесува „Билд“.
Освен тоа, во соработка со португалската полиција запленети се 1,3 тони кокаинска паста и 151 килограм кокаин хидрохлорид.
Лабораторијата во галициската провинција Понтеведра во северозападна Шпанија работела 24 часа на ден и произведуваше 200 килограми готов кокаин хидрохлорид за употреба.
Објектот бил управуван од дилери на дрога од Мексико и Колумбија.
За време на 14 претреси на куќи во четири региони на Шпанија – Галиција, Мадрид, Баскија и Канарските острови – беа уапсени вкупно 18 лица, меѓу кои и многу јужноамериканци.
Сите тие се во притвор.
Во соработка со португалската полиција запленети се 1,3 тони кокаинска паста и 151 килограм кокаин хидрохлорид.
Толку кокаинска паста никогаш не е запленета во ниту една операција во Европа, изјави Антонио Дуарте, шеф на единицата за борба против дрога на шпанската национална полиција, додавајќи дека тоа е „исклучително важен удар“ против трговијата со дрога во Европа.
Покрај другите мерки, блокирани се и 17 имоти и бројни банкарски сметки во рамките на истрагите што започнаа во октомври. Ова сузбивање на нарко-мафијата, пак, потврдува нов тренд, се вели во соопштението – се помалку се извезува готова дрога спремна за употреба, а се зголемува хемиската обработка во европските лаборатории за да се заштедат трошоците.
