Полицијата во Тел Авив уби вооружен маж кој со пиштол уби човек и рани неколку други и влетал со автомобил во пешаци. На социјалните мрежи се појави видео на кое наводно се гледа како полицијата отвора оган кон напаѓачот.
Убиената жртва е Италијанец, на возраст од околу 30 години, а сите жртви на нападот се туристи, соопшти израелската здравствена служба Magen David Adom (MDA).
Повредени се пет лица, а три лица се со умерени повреди. Меѓу нив има маж (39) и девојка (17). Две лица, маж на возраст од 50-ти и жена на 70-годишна возраст, се со полесни повреди, додаде МДА.
Напаѓачот, како што се наведува, е државјанин на Израел со арапско потекло, додава Тајмс оф Израел.
Убиецот се возел по шеталиштето во Тел Авив и почнал да пука во цивили кои биле во близина, пишува Jerusalem Post.
Тој се обидел да ги прегази и околните пешаци, а автомобилот му се превртел. Израелската полиција соопшти дека го „неутрализирала“ напаѓачот.
На социјалните мрежи се појави видео од соочувањето на полицијата со напаѓачот.
На местото на настанот се гледа превртен автомобил и се слуша како полицијата пука. Неколку луѓе лежат на земја.
