Специјалната воена операција на руската армија во Донбас влезе во 121-от ден.
Зеленски: Украина не е перница меѓу Западот и Русија
Претседателот на Украина, Владимир Зеленски, по повод доделувањето на статусот на Украина за кандидат за членство во ЕУ изјави дека Украина во иднина ќе стане членка на ЕУ и дека тоа сега е фиксирано на официјално ниво.
Џонсон Г7 и НАТО: Не е време за лош мир во Украина
Премиерот на Обединетото Кралство Борис Џонсон оцени дека Г7 и НАТО не треба да ја охрабруваат Украина да постигне, како што наведе, „лош“ мир со Русија, што би значело откажување од делови од нејзината територија.
– Мислам дека тоа би било катастрофа. Тоа би било поттик за натамошна ескалација на Путин кога и да посака, рече Џонсон.
Тој додаде дека е можно некои од најголемите западни сили да се „уморни“ од Украина.
„Бранителите на Северодонецк ќе мора да се повлечат“
Гувернерот на Луганск изјави дека бранителите на Северодонецк ќе мора да се повлечат.
„Нема смисла да се остане таму само за да се остане. Да се остане во изгубени позиции нема смисла, а бројот на загинати расте“, рече тој, додавајќи дека 90 отсто од куќите во Северодонецк се уништени или оштетени.
Лавров: Русија ги достави предлозите на Путин за кризата со храна до ОН
Москва ги стави на хартија сите предлози на рускиот претседател Владимир Путин за решавање на кризата со храна и ги достави до ОН, изјави рускиот министер за надворешни работи Сергеј Лавров.
Во интервју за државната телевизија на Белорусија, Лавров рече дека е загрижен поради бавната реакција на навидум итното прашање.
Гранатирани Стаханов и Брајанка
Украинските сили во текот на ноќта ги нападнаа градовите Стаханов и Брајанка, како и селото Теплично. Беа истрелани три ракети „Point-U“. Според потполковникот на Народната милиција на НОВ, Андреј Марочко, ракетата соборена над Теплични била насочена кон зградата во која се наоѓа администрацијата на лидерот на НОВ Леонид Пашечник.
Руската армија се обидува да ги опколи украинските војници кои го бранат Лисичанск
Напорите на Русија да ги заземе Северодонецк и Лисичанск – двата преостанати града во Луганск под контрола на Украина – се претворија во крвава војна на трошење, при што двете страни си нанесуваа големи загуби една на друга. Москва успеа да постигне стабилни придобивки во последните две недели, пишува Гардијан.
Руските сили се обидуваат да ги опколат украинските војници кои го бранат Лисичанск, изјави високиот функционер на украинската одбрана Алексеј Громов, додека Сергеј Гаидаи, гувернерот на областа Луганск, вели дека „руските сили беа успешни во напредувањето“.
