Потенцијал е можноста да се постигне нешто или да се постигне успех во иднина. Дали успеавте да го достигнете својот потенцијал? Ако не – дали знаете зошто?
Луѓето ги бараат своите вештини и таленти секој ден. Сите ние веројатно познаваме некој кој дошол до одлична идеја, ама никогаш не ја реализирале. Зошто толку многу луѓе со неограничен потенцијал никогаш не ги постигнуваат своите намери?
Одговорот е едноставен. Потенцијалот не служи за никаква цел. Колку и да звучи сурово, вашата способност да постигнете нешто во иднина не е речиси никаква гаранција дека ќе го постигнете тоа што сте го замислиле. Само затоа што можеш не значи дека ќе.
Сепак, има надеж за сите вас кои имате намера да го достигнете вашиот потенцијал, потребно е само да сфатите и да ги земете во предвид следниве работи:
1. Напорната работа е поважна од талентот
Имајте на ум дека без оглед на околностите, вашите способности или околината, напорната работа секогаш се исплаќа. Ако сте подготвени да бидете најдобриот работник во кое било опкружување, резултатите се неизбежни. Потребно е малку време, и не е толку едноставно, но ако сте подготвени да го дадете најдоброто од себе, наградата секако следува.
2. Скромноста ви е непријател
Треба да избегнувате самозадоволство по секоја цена. Иако има луѓе кои тврдат дека е пожелно да бидеме задоволни со она што го имаме, во моментот кога ќе станете задоволни од вашата позиција, никогаш нема да постигнете голем успех.
Радувајте се на успехот и не двоумете се да се тапкате по рамо од време на време. Луѓето постојано напредуваат, а во моментот кога ќе се опуштите, некој друг може да ви го заземе местото, затоа нема си давајте преголем простор да се опуштите.
3. Поставете си цели
Многу е важно секогаш да имате цели пред вас. Како воопшто го достигнувате вашиот потенцијал ако не се стремите кон ништо? Поставете си големи, долгорочни цели заедно со помалите, краткорочните и концентрирајте се на нивно остварување.
4. Имајте самодоверба
Повеќето луѓе немаат голема самодоверба или честопати наидуваат на пречки на патот токму поради стравот од осуда. Не размислувајте за тоа што мислат другите за вас, правете го она што го сакате и бидете свои.
5. Неуспехот е предуслов за успех
Дали некогаш сте се соочиле со неуспех при започнување на сопствен бизнис или некогаш сте изгубиле на натпревар? Дали си рековте дека едноставно не сте доволно добри и се откажавте од намерата некогаш да се обидете повторно? Ако на неуспехот гледате како на крај, таквиот став ќе ве уништи.
Така на пример Томас Едисон се обиде да направи сијалица повеќе од 10.000 пати пред да успее. Треба да бидете свесни за фактот дека неуспехот е патот што води кон успех. Треба да бидете решени и упорни за да го достигнете својот потенцијал.
6. Незапирлива енергија
Ако сакате да го достигнете својот потенцијал, мора да имате луда енергија. Ако сакате да ги постигнете своите цели, тоа е единствениот начин да успеете. Ако сакате нешто постојано да ги окупира вашите мисли, тогаш нема да се помирите со неуспех. „Копајте“, „гребете“, поместувајте планини за да го достигнете она што го сакате, а енергијата што ја поседувате ќе ве однесе каде што ќе посакате.
