Најголемата американска компанија за трансфер на рафинирани нафтени деривати, Колонијален гасовод, ја затвори целата мрежа по сајбер нападот.
Откако дозна дека е жртва на сајбер напад, оваа компанија затвори одредени постројки, привремено запирајќи ја работата на нафтоводи и важни ИТ системи. Ангажираше и експерти за сајбер безбедност да ја испитаат сериозноста на хакерскиот напад.
„Во моментов, нашиот фокус е безбедно и ефикасно да го вратиме нашиот систем во нормала“, се вели во соопштението на Колонијалниот гасовод, кое го пренесе „Busines insider“.
Компанијата е најголемиот оператор на нафтовод во земјата, испорачувајќи над 100 милиони галони бензин, дизел, керозин и други масла дневно, преку систем на гасоводот од 5.500 милји од Хјустон и Тексас до Њујорк.
Приближно 45 отсто од целото потрошено гориво на источниот брег на САД минува низ нивните нафтоводи.
Сè уште не е јасно кој и со каков мотив го извршил овој сајбер напад. ФБИ и Советот за национална безбедност на Белата куќа сè уште не одговорија на инцидентот. Федералната агенција за инфраструктура и безбедност, вклучително и сајбер безбедноста, од друга страна, упати одредени прашања до компанијата.
Едно време, неуспешниот обид на хакери да го отрујат снабдувањето со вода на мал град во Флорида, веќе ја крена јавноста во насока на реалната потреба од поголема заштита на клучната инфраструктура во САД, што се покажа како многу ранливо на нападите од софистицирани криминалци.
Засега е неизвесно колку ќе трае блокадата на гасоводот Колонијален гасовод. По објавата на компанијата за непријатниот настан, фјучерсите на бензинот се зголемија за 0,6 отсто .
