Во вторник, во организација на Обединетите синдикати, Французите се собраа на втората демонстрација против пензиската реформа.
Се очекуваше поголем одговор од првиот пат на 19 јануари. Првите податоци покажаа дека штрајкувачите ги имало речиси секаде каде што се собрале: во Марсеј, Тулуз, Бордо… Низ целата земја биле организирани околу 250 протестни маршеви, педесетина повеќе од минатиот пат.
Во Марсеј, според податоците на синдикатот, се собрале дури 205.000 илјади луѓе, а во Тулуз 80.000. Во најголемото француско медитеранско пристаниште говореше лидерот на екстремната левица Жан-Лук Меланшон кој рече дека собирот бил величенствен и дека „времето ќе се мери пред и по овој настан“. Најави дека граѓаните нема да се откажат.
Париз, според традицијата, штрајкува на крајот, во текот на попладневните часови. Поворката тргнува од италијанскиот плоштад во 14 часот, а на штрајкот се приклучи и општината на 13-тиот париски арондисман, која се наоѓа на овој плоштад и со која управуваат социјалистите. Со затворени врати, на фасадата објавија порака за поддршка на штрајкувачите. Меѓу демонстрантите беше и градоначалничката на Париз, Ана Идалго.
– Не можеме да дозволиме да биде уништен нашиот француски солидарен социјален модел – рече Идалго.
Еден час пред поаѓање, на италијанскиот плоштад веќе имаше многу луѓе. Лидерот на моќниот синдикат Се-Зе-Те, Филип Мартинез, оцени дека врз основа на првите достапни податоци, излезноста е поголема од 19 јануари. Во вторник властите очекуваа околу 1.200.000 луѓе собрани низ целата земја. Синдикатите се насочени кон два милиони.
На вработените во штрајкот им се придружија и пензионери, ученици и студенти. Во париската колумна се очекуваа неколку стотици „жолти елеци“, како и членови на „црните блокови“, па како и минатиот пат се стравуваше од немири. Четири илјади полицајци го чуваа редот во Париз, а 11.000 во цела Франција.
Од друга страна, надлежните не се откажуваат од реформата за зголемување на старосната граница за целосна пензија од 62 на 64 години, со 43 години полн стаж.
