Денеска е 56-от ден од војната во Украина
САД: Украина добива борбени авиони
Украина доби борбени авиони и резервни делови за зајакнување на воздушните сили, изјави портпаролот на американското Министерство за одбрана Џон Кирби.
„Сега имаат на располагање повеќе борбени авиони отколку пред две недели“, рече Кирби, но не го прецизираше бројот на авиони, ниту нивниот тип и потекло.
Украина: Руските сили продолжуваат со нападите врз Азовстал
Главниот фокус на Русија останува јужниот пристанишен град Мариупол, каде што руските војници продолжуваат да ја напаѓаат фабриката за челик Азовстал, во која се сместени украински војници и цивили, соопшти украинската армија.
„Русија распореди речиси 8.000 платеници од озлогласената група Вагнер во Украина, од кои 3.000 загинаа“, рече Кристо Грозев, извршен директор на истражувачки новинар „Белингкет“, пред Комитетот за надворешни работи на британскиот Претставнички дом.
Договорен хуманитарен коридор од Мариупол
Украина постигна прелиминарен договор со Русија за воспоставување хуманитарен коридор за евакуација на жените, децата и постарите лица од опколениот град Мариупол, изјави заменик-премиерката на Украина Ирина Верешчук.
„Со оглед на катастрофалната хуманитарна ситуација во Мариупол, денес ќе ги фокусираме нашите напори“, напиша Верешчук во објавата на Фејсбук.
Воспоставена е комуникација со нуклеарната централа Чернобил
Повторно е воспоставена директна комуникација меѓу Меѓународната агенција за атомска енергија (МААЕ) и нуклеарната централа Чернобил, соопшти МААЕ.
Руските сили го освоија Чернобил пет недели пред да се повлечат на 31 март. МААЕ изгуби контакт со централата на 10 март.
