Во тек е 153-от ден од специјалната воена операција што Русија ја спроведува во Украина.
Борбите се водат во Северск, Соледар и Бахмут, додека руската армија со прецизни ракети ја уништува воената инфраструктура на непријателот низ Украина.
ЕУ ги обнови санкциите против Русија до јануари 2023 година.
Европската унија одлучи да ги обнови санкциите против Русија за уште шест месеци, до крајот на јануари 2023 година. Одлуката, формалност на министрите за енергетика на ЕУ, се однесува на санкциите кои првпат беа воведени во 2014 година и значително се проширија по руската инвазија на Украина во февруари оваа година.
Брифинг од Министерството за одбрана на Русија:
– Вооружените сили на Руската Федерација извршија напад врз привремените бази на единиците на Легијата на странците во Константиновка, ДНР, уништени се повеќе од 40 платеници;
– Руските воздушни сили уништија повеќе од 70 отсто од персоналот на дивизијата на 59-та моторизирана пешадиска бригада на вооружените сили на Украина кај Миколаев;
– Авијацијата на руските воздушни сили уништи повеќе од 70 националисти и складиштето за муниција на Вооружените сили на Украина во ДНР.
Русите напредуваат на северот на Доњецк
Руската армија напредува на северот на Доњецката Народна Република. Сојузничките сили се приближуваат до Харков и Славјанск.
Меѓу украинските војници се зголемува бројот на дезертери и војници кои не сакаат да учествуваат во борбите.
С-300 во акција
Руското Министерство за одбрана објави видео од борбените дејствија на екипажот на ракетниот систем за воздушна одбрана С-300Б
Системот е дизајниран да ги заштити војниците од крстаречки, аеробалистички и балистички ракети, како и авиони и борбени хеликоптери во сложена воздушна ситуација и електронски контрамерки.
Украинската армија остана без дронови
Украинската армија речиси остана без ударни беспилотни летала, изјави за Спутник офицер за воздушна одбрана на руската армија од групата „О“.
– Во оваа фаза од операцијата таргетираме извидувачки беспилотни летала, како Лелека, Фурија. Без разлика на нивниот мал обем, ние ги уништуваме… Во последно време непријателот најмногу користи извидувачки беспилотни летала, бидејќи веќе нема ударни – рече тој.
Доњецк повторно гранатиран
Украинската армија повторно го гранатираше Доњецк – погодени се цистерни со гориво
Според првите податоци нема повредени.
Макрон: Храната и енергијата се оружје на Русија
Францускиот претседател Емануел Макрон изјави денеска, на почетокот на африканската турнеја, дека храната и енергијата станале „руско оружје за војна“, отфрлајќи ги оценките дека западните санкции придонеле за глобалната криза за снабдување со храна.
Камерун, каде Макрон ја започна својата посета на Африка, се бори, како и многу земји во развој, со зголемените цени на нафтата, ѓубривата и храната. Поради недостигот на гориво минатата недела во главниот град Јаунде, на бензинските пумпи се формираа долги редици.
