Екипата на МААЕ утрово замина за НЕ Запорожје
Тим нуклеарни експерти утрово тргна со автомобил кон нуклеарната централа Запорожје поради меѓународна загриженост поради потенцијална несреќа или истекување на радијација.
Претставникот на Меѓународната агенција за атомска енергија (МААЕ) утрово замина од Киев за електраната на југоистокот на Украина.
– Конечно заминуваме по шест месеци напор. МААЕ се движи кон нуклеарната централа во Запорожје. Како што знаете, имаме многу важна задача таму – да работиме и да ја испитаме реалната ситуација таму, да помогнеме да се стабилизира ситуацијата што е можно повеќе – рече шефот на ОН за нуклеарни прашања Рафаел Гроси пред патувањето.
