Голема експлозија се случи во фабрика за метални производи во Бедфорд, Охајо.
Надлежните служби се на терен. Се стравува дека има жртви.
Не е познато што ја предизвикало експлозијата, која се случила околу 14 часот и 30 минути по локално време, ниту колку луѓе се повредени.
Соопштено е дека службите за итна помош побарале помош од неколку медицински хеликоптери, пишува Daily Mail.
Според сведочењето на граѓаните, се случиле две експлозии – првата била помала, а втората многу посилна, објави локалната телевизија Њуз 5.
На снимките на оваа локална телевизија се гледа дека ѕидот на фабричкиот комплекс е целосно уништен, а цигли и парчиња бетон се расфрлани по улицата и по паркираните автомобили.
Недалеку од Брадфорд, во близина на градот Источна Палестина, пред две недели се случи инцидент, кога воз со отровен товар излета од шините.
