Американската војска собори неидентификуван летечки објект над езерото Хјурон во близина на канадската граница, четврти ваков инцидент овој месец. .
Објектот беше соборен од пилоти на американските воздухопловни сили и Националната гарда.
– Одлична работа од сите што ја извршија оваа мисија во воздух и во штабот. Сите нè интересира што точно бил овој објект и која била неговата намена – напишала на својот Твитер американската конгресменка од Мичиген Елиса Слоткин.
Претходно вечерва додека траеше „Операцијата ПВО“, таа напиша:
– Само што добив повик од Министерството за одбрана, нашата војска крајно внимателно го следи објектот над езерото Хјурон. Ќе дознаеме повеќе за тоа што беше во наредните денови, но засега, бидете сигурни дека радарот го следи откако ги премина нашите води“, напиша Слоткин на Твитер.
Оваа операција го одбележува трет ден по ред кога неидентификуван објект е соборен над северноамериканскиот воздушен простор.
Соединетите Американски Држави рано вечерва итно го затворија воздушниот простор над езерото Мичиген.
Од тој момент, оваа област беше прогласена за „воздушен простор на национална одбрана“.
Потоа беше издадена нова наредба, овој пат југозападно од Тобермори, Онтарио, Канада.
Неидентификуван објект беше соборен над северна Канада во саботата. Во петокот, американски Ф-22 собори неидентификуван објект во воздушниот простор на Алјаска.
Белата куќа соопшти дека Бајден и Трудо се согласиле да продолжат со блиската координација за „да го одбранат нашиот воздушен простор“.
Американските власти вчера привремено го затворија воздушниот простор над Монтана за цивилен сообраќај, а НОРАД синоќа испрати борбени авиони за извидување, но тие „не идентификуваа никакви летечки објекти што одговараат на радарските индикации.
Седум дена претходно, на 4 февруари, американски борбен авион Ф-22 собори, како што го нарече американската влада, кинески шпионски балон во близина на брегот на Јужна Каролина, по неговото еднонеделно патување над САД и делови од Канада.
Беше објавено дека е соборено НЛО
Борбен авион Ф-16 го собори објектот, според помошник на Конгресот, кој рече дека објектот бил во октогонална форма и бил на надморска височина од 20.000 стапки, што претставува опасност за комерцијалните авиони.
Тоа беше четврти објект соборен над Северна Америка откако беше уништен кинески шпионски балон на 4 февруари.
