Денес е 53 ден од конфликтот во Украина.
Русија тврди дека целиот клучен пристанишен град Мариупол сега е под нејзина контрола и ѓи предупредува малата група борци да се предадат или да загинат.
Русија им нареди на украинските сили во Мариупол да се предадат утринава, додека продолжува немилосрдниот напад врз градот.
Русија најави дека ќе ги гарантира животите на украинските војници во Мариупол кои ќе се предадат во наредните часови. Од околу 6 часот по московско време до 13 часот, руските сили рекоа дека ќе им дозволат на војниците да го напуштат упориштето за челик Азовстал, под услов да остават оружје и муниција.
Оние кои ќе го направат тоа ќе бидат третирани во согласност со Женевската конвенција во однос на воените затвореници, се вели во соопштението на руското Министерство за одбрана.
Мариупол уништен
Видеото снимено за време на патролата во Мариупол го покажува степенот на уништувањето во овој град, каде некогаш живееле половина милион луѓе.
Зеленски се заканува со прекин на преговорите.
„Немилосрдниот напад на Русија врз градот Мариупол и веројатното откривање на повеќе руски злосторства против цивилите ќе ги спречат понатамошните дипломатски преговори“, изјави украинскиот претседател Владимир Зеленски.
„Уништувањето на сите наши момци во Мариупол, она што тие го прават сега, може да стави крај на секој понатамошен формат на преговори“, рече Зеленски во написот објавен на претседателската веб-страница.
Во Киев се слушале експлозии
Експлозиите се слушнале во неделата во раните утрински часови во главниот град на Украина, Киев, јавуваат локалните медиуми. Во текот на ноќта се огласија сирените за воздушен напад на речиси цела Украина.
