Омразениот тренд од 90-тите, лица со ултра тенки или речиси невидливи веѓи, со голем стил се врати на модната недела во Милано, каде што сестрите Хадид, Бела и Џиџи го покажаа на ревијата на Версаче.
Сестрите во петокот се прошетаа на ревијата на Версаче за есента 2022 година, а вниманието го украдоа нивните лица кои навидум ги изгубија веѓите.
Џиџи за овој настан облече црвено кадифено фустанче со соодветни чизми и ракавици од латекс, а изгледот го надополни со црвена чанта, пишува Кликс.
Бела, пак, имаше слична црвена комбинација како нејзината сестра, но имаше долги ракави.
Моделите се појавија на пистата со лице речиси без веѓи, очила со мали рамки и јакни со светли бои, придонесувајќи за естетиката на 90-тите.
Враќањето на трендот од овој период и непостоечките веѓи беше најавено минатата година кога го носеа ѕвезди како Мадона, Ким Кардашијан, Кети Пери.
