Вулканот Кључевска, највисокиот активен вулкан во Евроазија, почна да еруптира, изјави денеска Олга Гирина од рускиот институт за вулканологија и сеизмологија.
– Синоќа забележавме експлозивна ерупција од типот Стромболија – изјави за ТАСС Гирина, која го предводи тимот за одговор на вулканска ерупција на Камчатка, КВЕРТ.
Кључевска или Кључевска Сопка, која достигнува висина од 4.754 метри, последен пат еруптирала во 2020 година.
Најблиското населено место е градот Кључи, кој се наоѓа на падината на вулканот, на околу 30 километри од кратерот.
