На социјалните мрежи се шират видеа од фестивалот Burning Man, кој Американците го нарекоа „национална катастрофа“ откако едно лице загина во пустина поради дожд и кал, додека 73.000 посетители беа заробени.
„Хаос е, цела ноќ врне дожд, престана можеби пред еден час. И никој никаде не оди. Тоалетите се поплавени, а никој не може да ги испразни… Оваа кал е толку леплива, специфична. Вашите чизми се двојно потешки. Ова е национална катастрофа“, објасни еден од посетителите.
Се движат само возила за итна помош
Да се потсетиме на десетиците илјади посетители на фестивалот Burning Man се заробени во пустината Блек Рок во Невада каде дождот не престанува да паѓа.
„Се дозволува движење само на возилата за итна помош. Ако сте во градот Блек Рок, засолнете се и останете безбедни“, рекоа организаторите, додавајќи дека евакуацијата може да потрае некое време.
Во Невада меѓу сабота и недела се очекуваат уште седум инчи дожд, а условите не се очекуваат да се подобрат доволно за да се овозможи движење на возилата.
Инаку, поради вонредните временски услови, проблем имаше и со празнење на тоалетите поставени во фестивалскиот камп. Исто така, кај голем број посетители се забележани знаци на хипотермија.
Голем број посетители немаат сигнал ниту на своите мобилни телефони.
Фестивалот требаше да трае до понеделник, но до недела се предвидуваат нови врнежи, па не се знае што ќе биде со фестивалот и посетителите. Програмата засега е прекината.
Ова не е единствениот проблем со кој се соочи овој фестивал, бидејќи во првите денови областа беше погодена од ураганот Хилари.
За потсетување, фестивалот Burning Man традиционално се одржува на крајот на секое лето во пустината Блек Рок во Невада. Секоја година таму никнува импровизиран град – се поставуваат кампови, се именуваат улици и сè исчезнува кога фестивалот ќе заврши. Кулминација на фестивалот е палењето на огромна скулптура која симболизира катарза за посетителите, а во петокот почна да врне непосредно пред почетокот на церемонијата. Се очекува учесниците со својата уметничка дејност да придонесат за естетиката на фестивалот.
