Можеби освои само една од петте Греми за кои беше номинирана – но секако беше најдоминантна на црвениот тепих.
Пејачката и актерка Лејди Гага, позната по своите контроверзни и необични аутфити, на синоќешното доделување на Греми наградите се одлучи за бесмртна елеганција.
Таа на црвениот тепих пристигна во долг црно-бел фустан и со кадрава платинесто руса коса.
![](https://citajme.mk/wp-content/uploads/2022/04/lejdi-gaga-gremi-1-1024x902.jpg)
Гага ја промени својата облека подоцна во вечерните часови, кога излезе на сцената на Греми наградите за да изведе песна од нејзиниот џез-дует албум „Love for Sale“.
![](https://citajme.mk/wp-content/uploads/2022/04/lejdi-gaga-gremi-2-704x1024.jpg)
Гага беше номинирана во пет категории заедно со џез легендата Тони Бенет, меѓу кои – албум на годината и песна на годината.
На крајот, таа освои само еден Греми, оној за најдобар поп вокален албум на годината.