Путин не е лудак, полудена личност. Ако некој му рече да престане, ќе застане, изјави познатиот американски режисер Френсис Форд Копола.
Само што помина половина месец од премиерата на еден од најдобрите филмови на сите времиња – „Кум“, режисерот кој го потпиша ремек-делото ја доби наградата за животно дело. На Френсис Форд Копола вчера во Лос Анџелес му беше врачена наградата за животно дело, која традиционално ја доделува Здружението на американски публицисти.
А на церемонијата, 59-та по ред, која се одржа во Беверли Хилс, Копола не само што ја прими наградата, туку во својот говор се осврна на актуелната политичка ситуација во светот.
Френсис Форд Копола, кој доби Оскар за најдобар филм и адаптирано сценарио за „Кум“ пред педесет години и Марлон Брандо за најдобар актер, сега подготвува нов проект – „Мегалополис“ на вчерашната церемонија говореше од срце и кажа:
Иако имам подготвено говор, го фрлам во ѓубре за да кажам нешто сосема неподготвено. Сакам да кажам нешто за тоа како ми беше како момче бидејќи се случија толку многу важни работи – рекол тој, како што пренесува „Холивуд репортер“.
Американскиот режисер, роден во Детроит во семејство на италијански емигранти, израснал во Квинс, Њујорк. И се присети како е да растеш во текот на 1940-тите во таа населба, исполнета со семејства на полски, ерменски и руски емигранти. Растењето во таква средина го дефинираше како „граѓанин на светот“, па затоа зборуваше за војната во Украина:
– Моето срце е исполнето со љубов за Американците кои дојдоа овде од Украина. Нивните хорови, традиционални танци… Срцето ми се кине поради се што се случува сега во оваа апсурдна реалност. И не можам да не зборувам за тоа – истакна осумдесет и двегодишниот режисер, а потоа го понуди своето решение за завршување на војната во Украина:
– Знам на што мислам кога велам дека кога би се кажал само еден збор, зборот „стоп“, се би запрело. Верувајте ми, сите што ги знаат работите знаат дека разликата меѓу НАТО и руските сили е огромна. Па, НАТО е 25 пати појак од Русија. А Путин не е некој лудак, тој не е некоја пореметена личност: тој е само калкулант, а некој да му каже – Застани, застани и навистина мисли така, ќе застане!
На крајот, Френсис Форд Копола го коментираше добивањето на признанието, нагласувајќи дека тоа не е толку важно во овој страшен момент, а заврши со овие зборови:
– Да се биде Американец значи да се биде граѓанин на светот. Ние сите сме тоа, и време е тоа да му го покажеме на светот!
