Бројот на загинати во разорниот земјотрес со јачина од 6,1 степени според Рихтеровата скала што го погоди источен Авганистан се искачи на 950, соопштија локалните власти.
Потресите се почувствувани во опсег од околу 500 километри во Пакистан, Авганистан и Индија, според Европскиот медитерански сеизмолошки центар, пренесува Ројтерс.
Според одговорниот од секторот за вонредни ситуации, во земјотресот се повредени 610 луѓе.
Снимките и фотографиите објавени на социјалните мрежи, по земјотресот што ја погоди провинцијата Пактика, покажуваат луѓе на носилки, урнатини и уништени куќи.
Најголем дел од жртвите се регистрирани во Пактика, но жртви има и во источните провинции Нангархар и Кост.
Земјотресот погоди густо населена област на границата меѓу Авганистан и Пакистан, а беше почувствуван во домет од 500 километри, јавува Би-Би-Си.
