Стресот е нешто што е дел од секојдневниот живот, а вработените луѓе најчесто го поврзуваат со работата и притисокот што го доживуваат на работното место. Но, како да се справиме со тоа?!
Експертите испробаа различни одговори за да одговорат на прашањето – кој е најдобриот начин да се справите со стресот (бидејќи е скоро невозможно да се избегне). Се разбира, прагот на толеранција на стрес е различен за сите луѓе, што не значи дека тие не се подеднакво под стрес.
Според тие експерти ако сакате да се ослободите од стресот на најдобар начин по напорниот работен ден, треба да го вклучите ова во вашите секојдневни активности:
Физички активности
Иако мислите дека после работа најмногу би сакале да легнете и да се одморите или да се опуштите со вашето омилено шоу или серија – но ова не е најдобриот начин да ги отстраните сите „остатоци“ од стресот што можат да имаат негативни последици по вашето здравје. Најдобро би било да направите некоја физичка активност после работа – што и да ви се допаѓа најмногу. Многумина би се согласиле дека пливањето или возењето велосипед е одличен начин за ослободување од стресот, но ваше е да пронајдете во што најмногу уживате.
Правилен одмор
Ако сакате целосно да се опуштите, треба да се одморите по физичката активност. Попладневната дремка не треба да биде подолга од 20 минути, а после тоа ќе се чувствувате препородени. Ако спиете подолго, може да имате проблеми со спиењето кога ќе легнете навечер, или едноставно ќе се чувствувате уште поуморни, бидејќи нашето тело природно не сака да спие преку ден, сепак понекогаш е и повеќе од потребно.
Почитување на роковите
За да се чувствувате добро секој ден, не треба да ја прекинувате вашата рутина против стрес. Ако сте решиле да вежбате секој втор ден во одредено време од денот – тогаш почитувајте го; истото важи и за одмор – и за попладневна дремка и за спиење – многу е важно секогаш да легнувате приближно во исто време и на тој начин да му обезбедите на вашето тело она што го очекува.
