Заштитете го вашиот дигитален идентитет – четири клучни совети за безбедност на личните податоци во виртуелниот свет
Во денешно време можеме слободно да кажеме дека имаме два идентитети во два различни света: во реалниот и во дигиталниот
Кога зборуваме за дигиталниот свет, податоците за најавување (лозинки и кориснички имиња), финансиските податоци (информации за банкарски сметки и броеви на кредитни картички), но и чувствителните и лични информации наоѓаат место во нашите уреди.
Факт е дека податоците на секој од нас имаат висока вредност, па не е чудно што кражбата на идентитет преку Интернет стана се почеста навика на сајбер напаѓачите. Сепак, за разлика од реалниот свет, на корисникот во дигитално опкружување му треба повеќе време за да сфати дека неговите лични податоци се украдени. Затоа е важно да ја осигураме безбедноста на нашите уреди, бидејќи така ќе се осигураме и самите себе.
Еве неколку решенија кои ќе ви помогнат да го заштитите вашиот онлајн идентитет.
Како да избегнете хакирање со лозинка?
Дали некоја од вашите лозинки го содржи името на вашето домашно милениче, име на член на семејството, важен датум или гласи „123456“? Ако одговорот на ова прашање е да, вие сте совршена цел за злонамерен хакер.
Она што е потребно за да ги зачувате вашите сметки е да дојдете до силни и уникатни лозинки составени од мешавина на мали, големи букви и бројки. Покрај тоа, обидете се да ги менувате и обновувате секој месец.
Како да знаете дали сте пристапиле до проверена веб-адреса?
Колку пати сте добиле порака од бренд дека сте добитник на огромна парична награда? Постои голема веројатност зад линкот за награда да стои злонамерен хакер кој сака да ве „фати“ да споделувате лични информации со него. Ако, на пример, веб-адресата на страницата започнува со HTTP://, не треба да оставате доверливи информации на таа адреса. Безбедните адреси на сајтови секогаш започнуваат со HTTPS://. Е-поштата и СМС пораките често ве мамат со итност која веднаш треба да ви ги подигне сомнежите. Најдоброто нешто што можете да направите е да не кликнете на одредена врска и да се спасите од потенцијална кражба на доверливи информации.
Дали знаете дека отворениот WI-FI е совршена мрежа за „лов“ на вашите податоци?
Колку пати ви се случило да треба итно да се приклучите на интернет, а единствениот пристап во тој момент е отворен WI-FI? Се разбира, секој од нас барем еднаш во животот користел отворена безжична мрежа, но она што можеби не сте го знаеле е дека на овој начин станувате лесна мета за злонамерен хакер. Затоа советот е секогаш да користите проверени и доверливи мрежи со силни кодови за пристап.
Како дополнително да се заштитите?
Знаењето е моќ и затоа треба да бидете информирани и да ги следите случувањата. Платформата Safe Net Corner може да биде одличен придружник во виртуелниот свет. Ова е местото каде што ве очекуваат најновите трендови, курсеви, упатства и корисни совети за користење на разни алатки за заштита на интернет.
Секако, секогаш е добро и препорачливо да имате софтверско решение кое ги штити уредите и сите активности на нив.
