Уапсени се пет лица
Италијанските власти заплениле рекордни 5,3 тони кокаин кој бил префрлен од еден на друг брод во близина на јужниот брег на Сицилија, соопшти денеска локалната полиција.
Проценетата вредност на робата е 850 милиони евра, а пет лица се уапсени, се додава во полициското соопштение, пренесува Ројтерс.
Станува збор за пет членови на екипажот на рибарскиот брод „Фердинандо д’Арагона“, кој бил запрен од финансиската стража.
Меѓу нив има двајца Тунижани и еден Италијанец, Албанец и Французин.
Бродот пловел од Јужна Америка, а во средата надзорен авион забележал пакети како се фрлаат од неговата палуба во водите на сицилијанскиот теснец за да ги земе друг брод.
