Високиот претставник на Европската унија за надворешна политика, Жосеп Борељ, изјави дека рускиот министер за надворешни работи Сергеј Лавров наводно реагирал агресивно на неговиот повик на состанокот на АСЕАН Русија да ги повлече своите сили од Украина, пренесе АФП.
– Лавров ми одговори многу агресивно и ја објасни својата позиција, наведувајќи дека сето тоа е заговор на Запад – изјави Борељ на новинарите на форумот на АСЕАН.
Борељ рече дека на Лавров му ги пренел и причините за поддршката на ЕУ за Украина и ја повика Русија да ги повлече своите сили, нарекувајќи го единствениот начин да се стави крај на конфликтот.
