Специјалната воена операција на Русија во Украина – 176-ти ден. Жестоките борби продолжуваат по целиот фронт.
7 мртви, 16 повредени во нападот на Харков
Се верува дека најмалку седум лица се убиени, а 16 се ранети во рускиот напад врз Харков, соопшти украинската државна служба за вонредни состојби.
Украинскиот претседател Володимир Зеленски изјави дека станбениот блок е „целосно уништен…“.
Тој додаде: „Нема да простиме, ќе се одмаздиме“.
Црноморската флота доби нов командант
Русија го смени командантот на својата Црноморска флота со седиште во Крим по експлозијата што го потресе полуостровот оваа недела. Руската новинска агенција РИА цитира извори кои велат дека Игор Осипов бил заменет со Виктор Соколов.
Доколку наводите се потврдат, тоа би претставувало едно од најистакнатите отпуштања на воени функционери во војната досега.
Црноморската флота, која има почитувана историја во Русија, претрпе неколку понижувања откако Русија ја нападна Украина. Во април Украина го погоди рускиот крстосувач „Москва“, еден од најважните бродови, со ракети „Нептун“. Тоа е и најголемиот воен брод потонат во борба во последните 40 години.
Меѓународната агенција за атомска енергија ја прифати поканата на Украина
Меѓународната агенција за атомска енергија ја прифати поканата на Украина да ја предводи делегацијата во нуклеарната централа во Запорожје, изјави министерот за надворешни работи Дмитро Кулеба. „Ја истакнав итноста на мисијата за справување со заканите за нуклеарната безбедност од руските непријателства“, додаде тој.
Гутереш во Лавов со Зеленски и Ердоган
Генералниот секретар на ОН Антонио Гутереш пристигна во Украина на средба со претседателот Володимир Зеленски и неговиот турски колега Реџеп Таип Ердоган. На средбата во Лавов, лидерите ќе го разгледаат договорот за извоз на жито поддржан од ОН и ќе разговараат за „потребата од политичко решение на овој конфликт“, како и за ситуацијата во нуклеарната централа Запорожје, под контрола на Русија.
Русија: Ќе ја затвориме нуклеарната централа доколку Украина продолжи со гранатирање
Претставник на руското Министерство за одбрана денеска најави дека нуклеарната централа Запорожје може да биде затворена доколку украинските сили продолжат со гранатирање на областа на централата, што Киев негира дека го прави.
Игор Кирилов, шефот на руските сили за заштита од радиоактивни, хемиски и биолошки напади, рече дека украинските напади ги оштетиле системите за поддршка на нуклеарната централа и дека во случај на нуклеарна несреќа, радиоактивен материјал ќе ги покрие Германија, Полска и Словачка. , објави Ројтерс.
Ердоган му нуди на Зеленски да организира средба со Путин
За време на посетата на Лавов, турскиот претседател Реџеп Таип Ердоган ќе му понуди на Владимир Зеленски да организира средба со рускиот претседател Владимир Путин, објави ТВ каналот Хабер од Лавов, повикувајќи се на дипломатски извори.
