Војната во Украина влезе во својот 89-ти ден и нејзиниот крај не се гледа.
Војната во Украина нема крај, а нема навестувања кога наместо оружје ќе почне да работи дипломатијата. Борбите продолжуваат низ цела Украина, а најдраматично е во Донбас, каде руските војници веќе два дена се обидуваат да го пробијат фронтот.
Вчера цел на Русија беа командните центри, трупите и складиштата за муниција на украинската армија на истокот и југот на земјата.
Медински: Русија е подготвена да ги продолжи разговорите, но …
– Русија е подготвена да ги продолжи разговорите со Украина, кои беа замрзнати на иницијатива на Киев, изјави денеска главниот руски преговарач Владимир Медински.
„Ние сме на наша страна, подготвени да го продолжиме дијалогот. Но, би сакал да нагласам дека топката, кога станува збор за понатамошни мировни преговори, е во дворот на Украина“, рече тој за белоруската телевизија ОНТ, пренесува ТАС. С.
Медински повтори дека разговорите се „целосно“ замрзнати на иницијатива на Украина.
Експлозии во регионот Житомир
– Во Коростен во областа Житомир, на северот на Украина, во текот на ноќта се слушнале силни експлозии.
Заменик-градоначалничката на Коростен, Наталија Чижевскаја, соопшти дека мештаните слушнале две експлозии, на кои претходеле блесоци, пренесува УНИАН.
Таа подоцна изјавила дека во градот се слушнала уште една експлозија, но нема други детали.
Путин и Лукашенко денеска се среќаваат во Сочи
Претседателот на Белорусија, Александар Лукашенко пристигна во Сочи, каде денеска ќе разговара со претседателот на Русија, Владимир Путин.
Кремљ претходно соопшти дека за време на разговорите на 23 мај, претседателите на Русија и Белорусија ќе разговараат за развојот на односите меѓу двете земји, со акцент на интеграциската соработка во рамките на Федералната држава Русија и Белорусија, како и за меѓународните прашања.
Џонсон и Зеленски за блокадата на Одеса
– Британскиот премиер Борис Џонсон денеска разговараше со украинскиот претседател Володимир Зеленски за руската блокада на украинското пристаниште Одеса, изјави портпаролот на Даунинг стрит.
Како што наведе, Џонсон одлучил да ги удвои напорите за да ја обезбеди потребната храна и хуманитарна помош за народот на Украина и да се осигура дека Украина може да извезува во остатокот од светот, пренесува Ројтерс.
