Специјалната операција на руската армија во Украина влезе во 116. ден
Чад во облик на печурка над Северодонецк
Силна експлозија одекна вчера во или во близина на Северодонецк, а над областа се издигна портокалов облак од чад во облик на печурка, јавуваат руските медиуми.
Родион Мирошник, амбасадорот во Русија на самопрогласената Луганска народна република, во која се наоѓа Северодоњецк, во Телеграм изјавил дека „веројатно е кренат во воздух резервоар со азотна киселина“.
Тој рече дека над Северодонецк се издигна портокалов столб чад, кој, како што наведе, „очигледно е од хемиско потекло“, пренесе РИА Новости, а пренесува Танјуг.
Хемиската фабрика Азот се наоѓа во Северодонецк, која моментално е под контрола на украинските сили.
Столтенберг: НАТО ќе ја прогласи Русија за безбедносна закана
Учесниците на претстојниот самит на НАТО во Мадрид ќе објават дека Русија повеќе не е партнер на Алијансата, туку „закана за мирот и стабилноста“, изјави генералниот секретар на НАТО Јенс Столтенберг.
– Ќе изјавиме дека Русија повеќе не е партнер, туку закана за нашата безбедност, како и за мирот и стабилноста – рече тој.
Според него, во новиот стратешки концепт на НАТО ќе се спомене и Кина, чие зајакнување претставува предизвик за интересите, вредностите и безбедноста на НАТО.
Кадиров: Има големи загуби кај странските платеници во Украина
– Платениците ретко објавуваат видеа од нивните неуспеси. Всушност, загубите на странците (кои се борат на страната на Украина против руските вооружени сили) се големи, а преживеаните се повеќе размислуваат да се откажат од оваа бесмислена работа и да побегнат што подалеку од Украина“, напиша Кадиров на неговиот Телеграм профил.
Заробен еден од командантите на „Ајдар“
Еден од командантите на украинскиот националистички баталјон „Ајдар“ е фатен за време на окупацијата на селото Метелкино во предградието на Северодонецк, изјави за РИА Новости извор од органите на редот.
Според него, за време на чистењето на селото, неколку украински милитанти се предале, меѓу кои и еден од командантите на Ајдар.
– Моментално се утврдува колку високо е рангиран – рекол изворот.
Херсон е технички подготвен да започне железничка патничка врска со Крим
– Техничката состојба на железничките пруги е проверена и тие се подготвени за минување на возови – изјави шефот на воено-цивилната управа на овој регион Владимир Саљдо, пренесува Спутник.
Според него, сега се работи на воспоставување на железничко поврзување со полуостровот, што беше прекинато во 2014 година.
Водачите на Азов кои се предадоа во Мариупол се префрлија во Русија
Извор од руската агенција рекол дека во Русија биле префрлени и други офицери на различни украински единици
Водачите на Азовскиот полк, кои се предадоа во Мариупол, се префрлени на истрага во Русија, јавува руската агенција ТАС С, повикувајќи се на неименуван извор од полицијата.
Според него, меѓу префрлените од самопрогласената Доњецка Народна Република се заменик-командантот на Азовскиот полк Свјатослав Паламар и командантот на 36-та поморска бригада на украинските вооружени сили Сергеј Волински.
Извор од руската агенција рекол дека во Русија биле префрлени и други офицери на различни украински единици.
