Во тек е 149-от ден од руската специјална воена операција во Украина
Шефот на руската дипломатија Сергеј Лавров изјави дека географските цели на специјалната операција се сменети.
Рускиот министер за надворешни работи Сергеј Лавров изјави дека геополитичките цели на „руската специјална воена операција во Украина“ повеќе не се ограничени само на Донбас, туку опфаќаат и други територии.
Руската офанзива во украинскиот регион Донбас продолжува да бележи благ напредок додека украинските сили се обидуваат да ја пресечат линијата.
Мостот Антоновски над реката Днепар, погоден од украинските сили, веројатно сè уште може да се користи, соопшти британското Министерство за одбрана, но тој претставува клучна ранливост за руските сили.
Украина се согласи делумно да ги минира своите пристаништа во Црното Море
Киев е подготвен на овој чекор како дел од договорот за извоз на украинско жито, пишува Њујорк Тајмс.
За договорот ќе се разговара денеска, 22 јули, во Турција.
Денеска договорот за деблокирање на извозот на жито од пристаништата на Црното Море
Денеска во Истанбул треба да биде потпишан договор меѓу руската и украинската страна, со кој би се деблокирал извозот на украински житарки од пристаништата на Црното Море. Како што е најавено, на потпишувањето ќе присуствуваат генералниот секретар на ОН Антонио Гутереш и турскиот претседател Реџеп Таип Ердоган.
Украинскиот претседател Володимир Зеленски синоќа изјави дека очекува денеска да добие вести од Турција за деблокирање на украинските пристаништа и извоз на жито.
– Од Турција очекуваме вести за нашата земја за деблокирање на нашите пристаништа – рече Зеленски во видео-обраќањето објавено на неговиот профил на Телеграм.
Русите го нападнаа Углегорск
Руската армија има намера да го освои Углегорск, кој се наоѓа на 50 километри североисточно од Доњецк.
Причината за офанзивата е преземање контрола врз клучната инфраструктура. Значи, Углегорск е дом на втората по големина електрана во Украина.
Вооружените сили на Русија имаат намера да направат пробив кај Углегорск за да ја засилат офанзивата на Славјанск и Краматорск од југ.
