Четворица државјани на Украина се уапсени под сомнение дека нелегално ископувале артефакти на еден од најбогатите македонски археолошки локалитети Исар, соопшти денеска полицијата.
Во соопштението се наведува дека тие биле уапсени во петокот додека копеле во тој локалитет недалеку од селото Марвинци на југот од земјава, недалеку од границата со Грција.
Имињата на осомничените не се соопштуваат, но во соопштението се наведува дека сите имале дозвола за привремен престој во Македонија.
Доколку бидат прогласени за виновни на суд, им се заканува затворска казна до 10 години.
На локалитетот Исар има повеќе од 200 гробови, а ископувањата датираат од бронзеното доба до доцната антика.
Има и остатоци од храм и стадион изграден во антички римски стил.
Кај осомничените биле пронајдени два детектори за метал, лопати и неколку ископани предмети-соопштуваат од МВР.
