Во вторник попладне, по средно европско време, силен земјотрес го погоди регионот Хиндукуш во Авганистан. Според првите податоци, се работи за силен земјотрес до 6,5 степени, а првите сведоштва говорат за „извонредно застрашувачки потрес“.
Силен земјотрес со јачина од 6,5 степени по Рихтер го погоди регионот Хиндукуш во Авганистан. Земјотресот бил на длабочина од 191 километар, а на оддалеченост од 38 километри од малото гратче Јурм, каде живеат околу 12.000 жители. Апликацијата EMSC сними многу извештаи за земјотресот, а се чини дека е забележана и значителна материјална штета, барем според извештаите од корисниците на страницата.
Повеќе од 100 луѓе се превезени во болниците во регионот на долината Сват во северозападната провинција во Пакистан во состојба на шок, изјави портпаролот на пакистанската служба за итни случаи Билал Фаизи за АП.
„Овие преплашени луѓе колабираа, а некои од нив се онесвестија од шокот од земјотресот“, рече тој, додавајќи дека повеќето од нив подоцна биле отпуштени од болница.
Фајзи рече дека загинале две лица. 13-годишно девојче загина кога нејзиниот дом се урна врз неа во северниот дел на пакистанската област Сват, изјави полициски претставник за новинската агенција Ројтерс. Повредени се околу 150 луѓе.
Сведоштвата на популарната апликација за земјотреси раскажуваат за застрашувачки и силен потрес. „Беше многу грдо тресење, всушност страшно“, „Беше многу интензивно“, Ова е многу силен земјотрес. Сите излегоа од куќите и бараат безбедно место“, се само дел од сведочењата.
Земјотресот е почувствуван во Индија и Пакистан, но не се очекува да предизвика материјална штета во тие земји.
