Француска калуѓерка почина на 118-годишна возраст во Франција како најстарата личност на светот. Лусил Рандон е родена во јужна Франција на 11 февруари 1904 година
Најстарата личност на светот, француската калуѓерка Лусил Рандон или позната како сестра Андре, почина на 118-годишна возраст.
Во април 2022 година, геронтолошка истражувачка група ја прогласи сестрата Андре за најстарата личност во светот по смртта на Јапонката Кана Танака, која тогаш имала 119 години, пренесува Ројтерс.
На 25 април минатата година, сестрата Андре беше запишана во Гинисовата книга на рекорди како најстарата личност во светот.
„Велат дека работата убива, а мене работата целото време ми помагаше да живеам. Работев до својата 108 година“, изјави сестрата Андре во разговор за медиумите минатата 2022 година кога официјално беше прогласена за најстарата личност на светот.
Родена е на 11 февруари 1904 година, на една деценија од Првата светска војна.
Њујоршкото метро штотуку беше отворено кога се роди Рандон, исто така и Тур де Франс штотуку се одржа првпат, според АФП.
Сестра Андре работела како гувернер и учител пред да влезе во манастир на 41-годишна возраст во 1944 година.
Од 1979 година Рандон беше во домови за стари лица, од 2009 година беше во домот за стари лица во Тулон. Деновите ги минувала во домот во молитва, меѓу кои правела паузи за оброци и посети од жителите и работниците во домот.
Таа била позитивна на „Ковид-19“ во 2021 година, кога старечкиот дом бил зафатен од вирусот, убивајќи 10 негови жители. Таа тогаш за весникот „Вар-Матин“ изјави: „Не ни сфатив дека го имам тоа“.
Тавела му кажа на Ван-Мартин дека не покажала страв од вирусот.
.
