Денес кошаркарите на Партизан играа против Реал Мадрид во Арената, во четвртиот натпревар од плејоф серијата на Евролигата.
Навивачите на Партизан запалија свеќи и положија цвеќе пред Арената во чест на жртвите пред почетокот, а потоа, непосредно пред почетокот на натпреварот, се одржа едноминутно молчење, кога илјадници цвеќиња летаа на паркетот.
Треба да се напомене и дека Партизан за овој натпревар имаше специјални црни дресови со името на училиштето каде се случи големата трагедија, а дури и играчите на Реал имаа црни дресови со името на училиштето.
Пред почетокот на вториот дел од натпреварот беа забележани потресни сцени, кога цела Арена му оддаде почит на трагично загинатиот чувар на училиштето „Владислав Рибникар“, Драган Влаховиќ, кој беше голем фан на црно-белите.
Кошаркарите на Партизан се поразени од Реал Мадрид со 85:78 во белградската Арена во четвртиот натпревар од четвртфиналната серија на Евролигата.
Резултатот во серијата сега е 2-2 и решавачкиот меч за минување на фајналфорот во Каунас во Мадрид ќе го гледаме следната недела.
