Вооружен напаѓач уби четири лица и неколку други рани во болница во зграда во Тулса, Оклахома, соопшти утрово полицијата.
Капетанот Ричард Моленберг изјави дека полицијата добила дојава дека маж вооружен со пушка влегол на вториот кат во една од зградите на Клиничкиот центар Свети Франциск и дека имало пукање.
– Кога полицијата пристигна на местото на настанот, неколку луѓе беа застрелани, а двајца веќе загинаа во тој момент – изјави Моленберг.
Полициски службеници се уште не го соопштуваат името на напаѓачот, а се пребаруваат повеќе локации во овој град.
– Сметаме дека веќе никој повеќе не е во опасност, и дека напаѓачот немал намера да пука во целата зграда, туку само на вториот кат, каде што се случи масакрот – изјавил полицискиот претставник, пренесува Си-Ен-Ен.
Заменик-началникот на полициската управа во Тулса потврди дека вчера биле убиени четири лица и дека напаѓачот најверојатно се самоубил.
Според Си-Ен-Ен, според податоците на невладината организација, годинава во Америка биле забележани 233 масовни престрелки, вклучувајќи го и ова во Тулса.
