Компанијата за крстарење „ Norwegian Cruise Line” објави дека ќе продолжи со крстарењето за „целосно вакцинирани патници“ на 25 јули, по повеќе од една година прекин поради пандемијата.
Од американската компанија соопштуваат дека ќе ги продолжи своите патувања постепено, најпрво со три од своите 17 брода, на нови рути во Грција и Карибите.
„Сите патници кои се качуваат на нашите бродови до 31 октомври 2021 година треба да бидат целосно вакцинирани и тестирани пред да влезат“, рече Хари Сомер, извршен директор на компанијата.
Покрај вакцинациите и задолжителните тестови за патници и членови на екипажот, компанијата ветува систем за филтрирање на воздухот, засилени хигиенски мерки, поголема медицинска опрема на бродовите и примена на санитарни мерки во пристаништата каде што се докинува.
Протоколот е основан под покровителство на здравствениот совет од шест експерти, со кој претседава поранешниот комесар на Американската администрација за храна и лекови (ФДА), соопшти компанијата. Директорот во изјавата наведува дека сега, со оглед на постојаниот развој на пандемијата, забрзувањето на вакцинацијата и новото научно знаење, предвремено е да се донесуваат одлуки за патни мерки по 1 ноември годинава.
Одлуката беше поздравена од министерот за туризам на Јамајка, претседателот на Доминиканската Република и Министерството за туризам на Грција. Норвешката линија на крстарење или само норвешка е трета по големина компанија за крстарења во светот, со 8,7 отсто од вкупниот број патници во светот од 2018 година.
„Norwegian Cruise Line” е американска компанија, основана во 1966 година со седиште во Бермуди и Мајами.
