Сенегалецот имаше сезона за заборав во Баерн.
Поранешниот играч на Баерн, Садио Мане наскоро ќе стане нов играч на Саудискиот Ал Наср, објави познатиот италијански новинар Фабрицио Романо на својот официјален профил на Твитер.
Тој ќе потпише тригодишен договор со Ал Наср според кој ќе заработи 75 милиони евра. Таа информација го рангира меѓу најплатените фудбалери во светот.
Сенегалецот ќе биде ѕвезда на тимот покрај Кристијано Роналдо и Марсело Брозовиќ.
Пред него, опремата на клубот од Блискиот Исток ја задолжи поранешниот фудбалер на Ленс – Секо Фофана.
И покрај тоа што не се снајде најдобро во Баерн, Мане во Арабија пристигнува во добра фудбалска возраст и нема сомнеж дека таму ќе направи разлика во првенството.
Минатата сезона за баварскиот тим одигра 38 натпревари во сите натпреварувања и успеа да постигне 8 гола со 6 асистенции.
Да потсетиме, овој брзоног фудбалер во својата кариера покрај гореспоменатите екипи настапуваше и за Мец, Салцбург, Саутемптон и Ливерпул.
