Портпаролот на руското Министерство за надворешни работи Марија Захарова, коментирајќи ја резолуцијата на Европскиот парламент за прогласување на Русија за државен спонзор на тероризмот, предложи ЕП да се прогласи за спонзор на идиотизмот.
Захарова го објави својот коментар на Телеграм каналот.
Европскиот парламент денеска усвои необврзувачка резолуција со која Русија ја прогласува за државен спонзор на тероризмот поради воената операција во Украина, која што произлезе од резултатите од гласањето на пленарната седница во Стразбур.
Во моментов, Европската унија нема никаква правна рамка за класификација на земјите како државни спонзори на тероризмот.
Претходно Парламентарното собрание на НАТО објави документ во кој се препорачува земјите-членки на Алијансата да ја прогласат Русија за терористички режим.
Да потсетиме, полскиот парламент во октомври едногласно усвои резолуција со која Русија ја прогласува за терористичка држава.
Документот ја осудува руската агресија и ги повикува другите земји да ја донесат истата одлука.
