Традиционално ден после празникот Велики Поклади, започнува Великиот пост оваа година 2023 на 27 февруари, кој трае седум недели и го навестува најголемиот христијански празник – Велигден, кој годинава ќе го славиме на 16 април.
Овој велигденски пост, според православните канони, се состои од два дела – Великиот пост (првите 6 недели) и Страсната седмица (последната недела – 6 дена). Обично, експертите препорачуваат да се подготвите за постот однапред, идеално три недели однапред. Во овој период, пожелно е постепено да се намалува количината на месни производи, за подоцна да не биде толку тешко на телото да се префрли на „полесна“ исхрана. Исто така, пожелно е постепено да се отфрлаат млечните производи. Трудниците и доилките, децата, постарите лица и оние со проблеми со гастроинтестиналниот тракт треба да бидат особено внимателни доколку одлучат да постат, а многу експерти советуваат да не ја менуваат вообичаената исхрана без консултација со лекар.
Што треба да знаете за оваа исхрана и како треба да постите по неделите?
1-ва недела
Овој период се смета за најстрог. Првиот ден, 27 февруари, според најстрогите верски правила, храната треба целосно да се отстрани, што не е неопходно (ниту пак се препорачува од здравствена гледна точка). И од 28 февруари до 3 март, постот треба да биде на вода. Што значи тоа? Можете да јадете леб, сол, сушено овошје, јаткасти плодови, мед, суров зеленчук и овошје. Веќе на 4 и 5 март во исхраната можете да внесете топла храна која е дозволено да се „зачини“ со масло.
Од 2-ра до 6-та недела
Воден пост се препорачува во понеделник, среда и петок. Во вторник и четврток можете да се почестите со топла храна без масло, а за викенд – со масло.
Последната недела
Последната недела од Великиот пост, која ќе падне помеѓу 10 и 15 април во 2023 година, се нарекува Страсна недела. Во овој период се пости на вода. Но, постојат исклучоци. На празникот Благовештение на Пресвета Богородица (7 април) и Цветници (9 април) можете да јадете риба.
Која храна е строго забранета за време на постот?
Месо и полумесни производи;
Млечни производи – путер и сирење се исто така на листата;
Јајца и производи кои содржат јајца;
Риба и морска храна (освен на празници);
Растително масло;
Алкохол (освен вино во нестроги денови);
Храна со интензивен вкус (премногу солена или слатка храна, како и зачини);
Креми, преливи, сосови;
Прејадувањето исто така не се препорачува.
