И ако живеете во мал стан во центарот на градот или имате мала викендичка во планина, животот на мал простор лесно може да се претвори од удобен и интересен во хаотичен. За да не се случи, еве ги советите на Кели Верстлер, една од најдобрите дизајнери на ентериер во светот.
Делата на Кели Верстлер беа објавени во списанијата Vogue, NewYorker, таа правеше ентериери во Беверли Хилс. Таа е позната по украсувањето на големи хотели, но и по одличните идеи за дизајнирање на мали простори. Овие идеи можат да ви помогнат да го искористите максимумот од квадратурата на вашиот дом.
Намештај со ногарки
„За да направите мал простор да се чувствува поголем, размислете за ногарки на сите парчиња мебел“, вели Кели.
Имено, доколку имате мебел кој се спојува со подот, окото нема да оди подалеку од линиите на предниот дел на мебелот. Од друга страна, ако имате парчиња мебел што се креваат на ногарки – софи, кревети, полици за книги, трпезариски маси, столови – лесно ќе го проширите просторот на подот и визуелно ќе создадете поголема површина.
Огледала
„Да се биде добар дизајнер понекогаш значи визуелна измама, а огледалото е совршено за тоа“, објаснува Кели.
Со огледалата, можете лесно и брзо да го зголемите просторот бидејќи тие создаваат длабочина и ја рефлектираат светлината во позадина, што ја прави просторијата поотворена и поголема отколку што е.
Затоа треба да имате барем едно огледало во мал стан.
„Можете да имате едно од подот до таванот и да имате неколку различни огледала… Ако сакате вашата мала дневна соба да изгледа поголема, купете три огледала и ставете ги на ѕидот – и тоа целосно ќе ја трансформира соба“, вели Кели.
За мала спална соба, огледалото над глава е одличен начин да се направи просторот да “продиши”.
Соба две во едно
„Во многу од нашите станбени проекти, ние имаме како што јас ги нарекувам простории со мешана употреба“, објаснува Кели.
На пример, на еден од клиентите на Кели му беше потребна мала спална соба за да биде простор за работа и гости во исто време, па Кели дизајнираше повеќенаменски кревет, долг кауч што сопственикот може да го користи како кревет за спиење, како софа за работа или како софа за гости..
Потоа поставила мала маса до креветот која може да послужи и како маса за пијалок и како ноќна маса.
Кога дизајнирате помал простор, размислете за парчиња кои можат да имаат барем двојна намена.
Бои
Кели за mastercalss.com се присети како ги сликала ѕидовите во нејзиниот прв стан.
„Се преселив во Лос Анџелес во историска зграда. На врвот на моите прозорци имаше витраж и имаше лимонова жолта боја. Навистина ми се допадна. Потоа купив многу жолта боја во продавницата и со неа ја обоив цела дневна соба. А потоа почнав да експериментирам и во други простории“.
После тоа, Кели откри дека силните бои всушност го прават просторот поголем, иако многу луѓе бегаат од нив кога уредуваат мал стан.
„Бојата го обединува просторот“, вели Кели и препорачува боење во едноставни палети на бои кои вашиот мал простор ќе направат да се чувствува поголем отколку што е.
Користете го секој сантиметар
Кели го опишува доброто искористување на просторот како дизајнирање чамец – мора да го земете предвид секој сантиметар и да го користите бидејќи тоа е едноставно неопходно во дизајнот на мал простор.
Имено, Кели дизајнирала градска куќа во која клиентите сакале бар.
„Ни падна на памет дека има шуплина на скалите под оградата. И така поставивме скриен бар таму“.
Кели го искористи аголот што клиентите не го ни забележаа и го трансформираше во мала соба – правејќи ја оваа куќа да се чувствува поголема.
Можете да го сторите истото – да го проверите секој агол во вашата мала куќа или стан, да го погледнете со други очи и потоа корисно да ги искористите тие неколку квадратни метри повеќе.
